أغاني التسلية واللعب :
(1)
يا الحمّا يالزّلاّله كل من خطب ردّوه
قالوا خطب عاشينه وملج على حمدوه
(2)
يامّي واشيب راسي حرمه خذت ريلين
واحد من خوركلبا وواحد من خضراوين
واحد يدوخ الرشبه وواحد مطوّع زين
(3)
ياريتني اطويره واطير ويا الدخان
واحل ف راس الخيمه واشوف من غرقان
غرقان ابو كنينه ولد محمد سلطان
ايدورون ( امنينه ) بيزرعون الشان
والشان في نخلنا
نخلنا هيسه هيسه نخلنا ظيلمان
فيها عروق الحنّا ومشربكه برمان
(4)
ياصباره مادريتي عن خطار لفوج
قالت لفوني غبشه على خيول وبوش
امصلّيين الجمعه أحمد ولد الشيوخ
يالس على الدجيجه يالس ويعد افلوس
والطاسه المنقوشه ماظمّت الفلوس
(5)
يا ليتني قطيّه وارابع القطاه
واشرب من الظحظاحي وامعاشي الحصاه