أ
مثال شعبية فلسطينية ساير العيار لباب الدار
شافت الخنفسه بنتها ع الحيط قالت الها: يسلملي بياضك ع سواد الحيط
شحاد و مشارط
شم ولاتذوق
شَمّام هوا وقطّاف ورد
الشهر اللي ما إلكش معاش فيه ليش تعد أيامه
شو أحلى من العسل قال الخل ببلاش
شو فهم الحمير بأكل الزنجبيل
شو هيّة لحسة حلاوة؟
شو دخّلك بيت عدوك ؟ قال حبيب قلبي جواته
صارت عظامه مكاحل و مصارينه حبال
الصباح رباح
صباحه بيقطع الرزق
صوته ملعلع للسما
ضربني و بكى و سبقني و إشتكى
طبني طبتك العافيه
طلع تحت لساني شعر
الطمع ضر ما نفع
طنجرة و لقت غطاها
عاشر المصلي بتصلي و عاشر المغني بتغني
العز للرز و البرغل شنق حاله
عصفور باليد و لا عشرة ع الشجرة
عقله براسه بيعرف خلاصه
علمناه الشحادة سبقنا ع البواب
على بخت الحزينه سكرت المدينة
على عينك يا تاجر
عليه مناخير زي كوز الصبر
عمر الشقي بقي
عمر مديون ما انشنق
عملوك مسحر خلص رمضان
العنزه الجربا ما بتشرب إلا من راس العين
عيش يا كديش ليطلع الحشيش
العين بصيرة و اليد قصيرة
غاب القط العب يا فار
غالي و الطلب رخيص
الغنى بالغربه وطن و الفقر بالوطن غربه
فخار بيكسر بعضه
***
يتبع ....فيما بعد ....كفاها الباري اليوم ....وين الردود يا إخوتي الأحبه سوف اضع الجديد بعد ردودكم ....لأعرف ...ولأعلم بأن الموضوع يروق لكم ...ام لا يرووووووق
المثل الشعبي ...يحاكي الواقع ...ويلامس الحقيقه المره دمتم بكل رواق
اخوكم السعيد بكم دائماً ....سعيد
موضوع: امثال شعبية 
21/8/2008, 2:50 pm